CONTROL DE MARCAS O 01/02/2011

No último adestramento, o noso Director Deportivo, informou os/as socios/as da convocatoria para o Control de Marcas válido para acceder o Campionato de Pista Cuberta de cada unha das categorías.

Dito Control terá lugar nas Pistas de Atletismo do Campus Universitario de Santiago de Compostela o vindeiro Martes día 1 de febreiro de 2011. As probas comezarán ás 18:00, polo que se prega a asistencia dos atletas a partir das 17:45.

Na seguinte ligazón podese consultar o horario de cada unhas das probas.

Control de Marcas

PARABÉNS A TODOLOS/AS NOSOS/AS ATLETAS

O pasado sábado día 22, celebrouse no Parque Eugenio Granell (xunto o Hipercor) o Campionato de Campo a Través: Fase Intercomarcal Santiago. A participación foi boa a pesar da soleada pero algo fría mañá.

O Clube de Atletismo Millaraio estivo representado en tódalas categorías, dende Benxamín ata Cadete, obtendo os/as nosos/as atletas moi bos resultados nas súas categorías correspondentes. Parabéns a todolos/as atletas pola súa participación. Adxúntase o listado coa clasificación.

Esta proba era clasificatoria para o Campionato Provincial de Campo a Través en idade escolar, obtendo a clasificación para o mesmo o equipo de Infantis Nenos que acadou o primeiro posto, Andrea en Infantis Nenas e Cristina en Cadete Nenas que acadaron a 5ª posición nas súas categorías.


Resultados

CAMPIONATO CAMPO A TRAVÉS : FASE INTERCOMARCAL SANTIAGO

O próximo sábado día 22, celebrarase no Parque Eugenio Granell (xunto o Hipercor) o Campionato de Campo a Través: Fase Intercomarcal Santiago.

O Clube de Ateltismo Millaraio, contará con unha boa representación en tódalas probas, no que será a nosa segunda  participación como equipo, no Campionato Escolar de Campo a Través.

Mais información na web da Federación Galega de Atletismo: http://www.atletismogalego.org/

LOTERIA DE NADAL

Como xa sabedes, tocounos un pequeno premio na lotería do nadal, deste xeito vos comunicamos que o pago dos premios farase a partir do vindeiro luns día 27 de decembro.

A entidade bancaria elexida para o depósito dos décimos e o pago dos premios é o Banco Etcheverría sito na rúa García Prieto nº 58, en Santiago de Compostela.

Un saúdo da Directiva.

ÚLTIMAS NOVAS ADESTRAMENTO

A Dirección Deportiva  do Club de Atletismo Millaraio decidiu modificalo adestramento do Primeiro Grupo (os nados a partir do 2002) do sábado 23 de outubro.

Como premio o bo inicio da tempada 2010/2011, os/as socios/as do Primeiro Grupo levaran a cabo o seu primeiro adestramento na pista de atletismo do Campus Universitario.

Polo tanto, os/as socios/as do Primeiro Grupo e do Segundo Grupo, quedan todos/as convocados/as para adestrar o sábado 23 de outubro ás 12:00 h. na pista de Atletismo do Campus Universitario de Santiago.

Esta convocatoria non modifica as datas, horas e lugares dos adestramanetos habituais. De tódolos xeitos, estade atentos o blog e o correo polas posibles variacións que poidan xurdir cos adestramentos.

Unha aperta.

XI Carreira Pedestre Popular Concello de Ames

O domingo 24 de outubro celébrase a XI Carreira Pedestre Popular Concello de Ames, a partir das 11:00h.

A Saída e a Meta estarán situadas no Paseo Fluvial de Bertamiráns.

As categorías, percorrido e hora de saída son:

Prebenxamín / 2003 e posteriores / 500 m. / 11:00 h.

Benxamín / 2001 e 2002 / 500 m. /11:10 h.

Alevín / 1999 e 2000 / 1.500 m. / 11:20 h.

Infantil / 1997 e 1998 / 2.500 m. / 11:35 h.

Cadete / 1995 e 1996 / 2.500 m. / 11:35 h.

Premios: trofeo aos 3 primeiros de cada categoria, masculinos e femininos.

Máis información

Todolos/as socios/as do Club de Atletismo Millaraio están apuntados a dita carreira a ser considera de interese polo club, ademáis dito día farase a foto oficial da tempada 2010/2011.

Unha aperta da Xunta Directiva e esperamos veros a todos/as o día da carreira.

MODIFICACIÓN ADESTRAMENTO SEGUNDO GRUPO

Indicarlles os/as socios/as do segundo grupo de adestramento que a partir do vindeiro sábado 9 de outubro, dito día incluido, os adestramentos comezarán ás 12:00 e non ás 13:00 nas pistas do Campus Universitario de Santiago de Compostela.

Polo tanto quedades todos/as convocados/as os sábados a partir das 12:00 nas pistas do Campus Universitario de Santiago de Compostela.

Unha aperta da Xunta Directiva