Percorrido da Carreira Solidaria Axuda a Cáritas - Milladoiro

O percorrido da Carreira Solidaria Axuda a Cáritas - Milladoiro é o mesmo que o do ano pasado.

A distancia das probas para cada categoría e os horarios son:

11:00 h. Prebenxamín e anteriores/ 300 m (1 volta ao párking) 

11:15 h. Benxamín e Alevín/ 1000 m (2 voltas A) 

11:30 h. Infantil e Cadete/ 1400 m (volta A+B)

12:00 h. Xuvenil-Junior, Promesa-Senior e Veteráns/ 5000 m (2 voltas C)

12:00 h. Andaina/ 1500 m (1 volta D) 

Presentación Oficial da II CARREIRA SOLIDARIA AXUDA A CÁRITAS - Milladoiro “Corremos polos demais, e ti?”

O vindeiro Venres 25 de marzo de 2011 ás 20:30 no Salón de Actos da Casa da Cultura do Milladoiro, terá lugar a presentación oficial da Carreira - Andaina Solidaria Axuda a CÁRITAS - Milladoiro.

Ademáis haberá unha charla informativa baixo o título "A acción de Cáritas no Milladoiro" a cargo dos responsables de Cáritas.

Primeiro Campionato en Pista Cuberta para o Clube de Atletismo Millaraio

O pasado Domingo día 20 de marzo, houbo unha festa do atletismo no Palacio dos Deportes da Coruña onde se deron cita as categorias benxamin,alevin e infantil. A cantidade de nenos congregados na dobre xornada asi como adestradores e familiares deron unha cor especial ao evento.

Para moitos dos participantes era a primera vez que competian en pista cuberta e gozaron do atletismo, ademáis foi a primeira participación do Clube de Atletismo Millaraio nun Campionato de Pista Cuberta.

O Clube de Atletismo Millaraio estivo respresentado por un total de 23 atletas repartidos nas diferentes probas e categorías. Dende aquí, felicitalos/as a todos/as pola súa participación no Campionato. A lista dos nenos que representarón ó clube foron:

ANTON NOGUEIRA GONZALEZ  50 metros lisos
BRANDAN CANDAL BLANCO  Salto de altura
HUGO GONZALEZ OLIVEIRA  50 metros lisos e 500 metros lisos
HUGO RODRIGUEZ ABEL  500 metros lisos e Salto de Lonxitude
IAGO FUENTES GARCIA   1000 metros lisos 
JACOBO NOGUEIRA COLMEIRO 500 metros lisos
JAIME FERRO VILAS  500 metros lisos
MARTIN FERNANDEZ HERMIDA  50 metros lisos
MATEO GARCIA ANEIROS  50 metros lisos
MATEO MUÑOZ OREIRO  Salto de altura
MATEO RAINDO VAZQUEZ  500 metros lisos
NICOLAS RODRIGUEZ CADARSO DE LA P  Salto de altura
PABLO FERNANDEZ HERMIDA  Salto de lonxitude
PABLO NOGUEIRA GONZALEZ   Peso 3 Kg
PABLO SOUTO GARCIA    Salto de lonxitude
SAMUEL HUESCA BRICEÑO  50 metros lisos
AIDA RAINDO VAZQUEZ  50 metros lisos
ANDREA GONZALEZ GARCIA Salto de lonxitude
FATIMA DELL BLANCO  500 metros lisos e Salto de Lonxitude
IRENE IBAÑEZ COCERA  50 metros lisos e 50 metros valados
LAURA CUESTA PEREIRO 500 metros lisos e Salto de Lonxitude
LAURA PAIS MOSQUERA  50 metros lisos e Salto de lonxitude
NATALIA SANCHEZ PARDO  50 metros lisos

Además da moi boa actuación de todolos/as nosos/as atletas, hai que destacar que na primeira participación nun Campionato dous dos nosos atletas acadaron unha posición no podium das súas probas. Ditos atletas foron:

- Samuel Huesca Briceño, 3º Clasificado na proba de 50 m. lisos categoría Infantil.

- Jaime Ferro Vilas, 3º Clasificado na proba de 500 m. lisos categoría Benxamín.

¡¡¡PARABÉNS A TODOS/AS POLA VOSA PARTIPACIÓN NO CAMPIONATO!!!

Campionato Escolar Atletismo en Pista - Zonal Santiago - Noia (1)

O Sábado 26 de marzo de 2011 terá lugar nas pistas da Universidade de Santiago de Compostela o Campionato Escolar de Atletismo en Pista, en xornada de mañá e de tarde.

Para dito campionato están convocados os/as atletas das categorías Benxamín, Alevín, Infantil e Cadete.

Recordarvos de que debedes confirmar co adestrador (Juan Pablo) as probas nas que desexades participar no adestramento do vindeiro mércores 23 de marzo.

Adxúntase o horario das probas.

Horarios Probas

Convocatoria Adestramento Prebenxamíns

O vindeiro sábado día 26 de marzo de 2011, os prebenxamíns están convocados para adestrar ás 13:00 h. na nave do Polígono do Milladoiro.

Non faltedes, contamos con todos.

Campionato Galego Infantil, Alevin e Benxamin en pista cuberta

A Federación Galega de Atletismo publicou hoxe, mércores 16 de marzo, os horarios das probas e as listaxes dos atletas incritos para o Campionato Galego Infantil, Alevín e Benxamín en Pista Cuberta.

Podedes consultalos na sequinte ligazón:

Federación Galega de Atletismo

Aproveitamos para recordavos que tódolos/as atletas, clube de atletismo Millaraio, teñen de prazo ata o vindeiro Venres día 18 de marzo ás 14:00 h para anular a súa inscrición. Para que sexa efectiva é necesario o envio dun escrito, firmado polo respresentante do atleta, xustificando a anulación da inscrición a conta de inscricions.millaraio@gmail.com 

Un saúdo

Directiva Millaraio

CARREIRA/ANDAINA SOLIDARIA "CORREMOS POLOS DEMAIS, E TI?"

A Carreira/Andaina Solidaria "Corremos polos demáis, e tí?" - CÁRITAS Milladoiro, organizada por MillaRaio, celebrarase o 3  de abril no Milladorio. MillaRaio conta coa colaboración do Concello de Ames e co control técnico da Delegación de Atletismo de Santiago (Federación Galega de Atletismo) para o correcto desenvolvemento deste acto de solidariedade. 

A Directiva de MillaRaio está a concretar os detalles finais da carreira e o seu regulamento que publicaremos nos próximos días. Tamén traballan para conseguir patrocinadores para a carreira e animan aos socios/as do club que desexen votar unha man a poñerse en contacto coa Dirección. 

PARABÉNS A HUGO RODRÍGUEZ ABEL

O pasado Sábado 12 de marzo, celebrouse en Pereiro de Aguiar (Ourense) o Campionato Galego de Cross en idade escolar. O Clube de Atletismo Millaraio estivo representado por Hugo Rodríguez Abel que acadou a 34º posición na categoría Alevín masculino.

¡¡¡Parabéns Hugo!!!

AXENDA DO CLUBE PARA O MES DE MARZO

A Dirección Deportiva do Club de Atletismo Millaraio elaborou unha axenda de adestramentos e calendario de competicións para o mes de Marzo. A continuación amósase o calendario:

-          Mércores 9 de Marzo de 2011: Pola festividade do Entroido a nave do Polígono estará pechada e non haberá adestramento.

-          Sábado 12 de Marzo de 2011: Adestramento conxunto do Grupo 1 e Grupo 2 nas pistas de Atletismo da USC as 11:30 para categoria infantil e Cadete e ás 12:00 para os demais. A Dirección Deportiva fará una xornada de competición interna, incluíndo diversas probas de atletismo con previsión de término as 13:30.

-          Domingo 13 de Marzo de 2011: Campionato Galego Absoluto, Junior e Promesa  de 10.000 metros en Pista. Dito Campionato celebrarase nas pistas de Atletismo de Noia. Conxúntamente realizarase un control de marcas onde participarán os atletas de categoria cadete.

-          Mércores 16 de Marzo de 2011: Adestramento do Grupo 2 na nave do Polígono do Milladoiro.

-          Sábado 19 de Marzo de 2011: Campionato Galego Benxamín, Alevín, Infantil de pista Cuberta. Terá lugar no Pazo de Deportes de Riazor na Coruña en xornada de mañá e tarde.

Prégase confirmar asistencia, por parte dos socios,  a dito campionato como moi tarde o xoves  10 de marzo na seguinte dirección de correo inscricions.millaraio@gmail.com

-          Mércores 23 de Marzo de 2011: Adestramento do Grupo 2 na nave do Polígono do Milladoiro.

-          Sábado 26 de marzo de 2011: Fase zonal de Atletismo Escolar en Pista (Xogade) en Santiago de Compostela. Os pre-benxamins terán adestramento nas pistas de atletismo de 12:00 a 13:00.

-          Mércores 30 de Marzo de 2011: Adestramento do Grupo 2 na nave do Polígono do Milladoiro.

Nas seguintes ligazóns podese consultar os horarios e as probas dos campionatos mencionados na axenda agás o da Fase zonal do 26 de marzo, do cal todavía non dispoñemos d información.

Campionato Galego Benxamín, Alevín e Infantil en Pista Cuberta

Campionato Galego 10000 metros en Pista e control de marcas categoría Cadete

Un saúdo,

A Dirección Deportiva

ADESTRAMENTO MÉRCORES 9 DE MARZO

Aviso para tódolos socios/as de que o vindeiro Mércores, día 9 de Marzo, non haberá adestramento. Polo tanto quedan tódolos/as socios/as convocados para o adestramento do vindeiro Sábado 12 de Marzo ás  12:00 nas Pistas do Campus Universitario de Santiago de Compostela.

RECORDATORIO AXENDA SÁBADO 5 DE MARZO

Aviso a tódolos/as socios/as de que o vindeiro sábado día 5 de marzo non haberá adestramento. En vez do adestramento indicarvos de que estades todos/as convocados (tódolos/as atletas están inscritos polo clube) para a IX Carreira Popular Concello de Padrón.

A carreira comezará ás 16:00, do sábado 5 de marzo, no Paseo do Espolón en Padrón. Na seguinte ligazón pódese consultar os horarios das carreiras.

Carreira Padrón

Unha aperta

A Xunta Directiva