FIN DE SEMANA COMPLETO

O pasado fin de semana foi de moitas actividades do Clube, que tivo representantes en competicións en diferentes puntos da xeografía Galega, ademais dos moitos atletas que adestraron nas pistas o sábado pola maña.

Xa a primeira hora da tarde do Venres os atletas da categoría cadete se desprazaron a Coruña para disputar a I Xornada do Circuito Marineda, co obxectivo de buscar mínimas e de facer un primeiro contacto con as competicións de pista. O clima non acompañou os ánimos e a xornada fría e pasada por auga deixou boas experiencias en canto a competición, onde as marcas acadadas non teñen maior relevancia, xa que estamos a comezar a preparación de cara a pista.

Aínda así víronse mellores marcas persoais e da tempada e bos rexistros das rapazas na dura proba de 300m lisos con Mínima de Andrea González e Rocio García xunto a Irene Ibañez rozando a marca de 50” pedida para participar no Campionato Galego do vindeiro sábado.

RESULTADOS A CORUÑA 22/02


GALEGO DE CAMPO A TRAVÉS.

O sábado pola maña, o equipo Alevín e os atletas Hugo Rodriguez e Inés Castaño formaban a delegación de atletas mais numerosa do Clube nun campionato Galego de Cros, facendo un bo papel todos, tendo en conta as dificultades do circuíto e as baixas temperaturas que rexistraba Guitiriz naquela maña.

Os Alevíns finalmente fixéronse con o 5º posto rozando o podio por escasos 4 puntos, sendo o primeiro equipo do Millaraio en conseguir colocarse entre os mellores de Galicia! Daniel Mato fixo una grande Carreira e axudou o equipo con o seu 3º posto, gañando a  medalla de bronce individual, tamén un feito inédito na breve historia do noso Clube!

Tamén destacar a actuación de Hugo Rodriguez, sempre indo a mais en cada unha das competicións segundo avanza a tempada, para ser o 26º mellor atleta infantil de cross de Galicia e tamén a atleta Cadete Ines Castaño (14ª) que, aínda non sendo especialista en atletismo, fixo unha grande temporada de Campo a través en medio a súa preparación para as probas de Triatlón de verán!

RESULTADOS GALEGO CAMPO A TRAVÉS- GUITIRIZ




Parabéns a todos e agora, comeza a tempada de pista e a preparación especial para os novos desafios!