O próximo venres, 15 de xaneiro, Juan Pablo Fernández Rodrigues dará unha charla informativa, ás oito da tarde, no Salón de actos da Casa da Cultura de Milladoiro.
O título da charla é "Deporte infantil para pais e nais: como orientar aos “meus pequenos” para a práctica dunha actividade física saúdable cara ao éxito deportivo".
A charla está dirixida a:
Pais con fillos menores de 14 anos interesados en coñecer formas de conducir as actividades deportivas dos seus fillos de xeito óptimo.
Profesionais involucrados no traballo co deporte escolar e a formación de atletas.
Directivos e responsables de clubes e asociacións deportivas que traballen co deporte de base.
Os temas que Juan Pablo tratará na charla son:
O deporte infantil.
Tipos de deporte e actividades deportivas máis indicadas para cada idade.
Adestramento a longo prazo e as súas etapas.
Accións concretas para favorecer o desenvolvemento deportivo dos nenos e mozos.
A charla está organizada polo Club MillaRaio coa colaboración do Concello de Ames. Sen dúbida unha cita ineludible, non só para os socios de MillaRaio, tamén para pais e nais con fillos de corta idade e persoas vencelladas dalgún xeito ao mundo deportivo infantil.
Grazas a Juan Pablo pola súa profesionalidade e a xenerosidade de ofrecernos esta interesantísima charla informativa.
1 comentario:
Quiero felicitar a la junta directiva del club MillaRaio por la organización de la charla de Juan Pablo, fue todo un éxito el contenido pero lo malo ha sido la falta de público, es una pena , pero es lo que hay en este Milladoiro.
Publicar un comentario