ÚLTIMA HORA: CAMPIONATO GALEGO CADETE

Onte no Campionato Galego Cadete nas pistas de Elviña en A Coruña os nosos atletas tiveron unha gran actuación! Pese a algunhas ausencias, os atletas que participaron seguen mostrando que son capaces de estar entre os mellores de Galicia nas súas probas.

Cristina Sánchez Pardo estivo a moi pouco de meterse na final da concorrida proba de 100m lisos, quedando coa 8ª marca, baixando unha vez mais a barreira dos 14 segundos. Tamén tomou parte na proba dos 100 m. valados, quedando 6ª na sua serie.







Martin Fernandez Hermida  (cadete de 1º año) aceptou o desafio de lanzar Xavalina, ainda que foran moi poucas as prácticas que tivemos nesta proba. Con 2 nulos non pasou á mellora impedindo que poidera chegar preto da sua marca persoal con outros 3 lanzamentos máis. Por outra parte fixo unha boa competición en lonxitude, manténdose por riba dos 5 metros (5,12m), ás portas das medallas, quedando na 4º posición.

A gran sorpresa da xornada reservóunola Antón López Bermúdez, saltando 5,54 m para facerse coa medalla de ouro na lonxitude, marca persoal e segunda mellor marca galega do ano na proba! Con esa fantástica actuación, abre as portas para ser selecionado para a seleción galega Cadete que vai disputar o Campionato de España da categoría en Zaragoza o próximo fin de semana. Antón aínda foi quen de clasificarse para a final dos 300m valados, onde acadou a 6ª posición.
É a primeira vez que un membro do Millaraio queda campión galego individual en pista o aire libre.

A participación dos nosos cadetes nesta competición déixanos moi orgullosos e con ganas de seguir traballando para que os nosos atletas teñan as mellores condicións, con confianza no noso proxecto e a seguridade de que vamos no bo camiño!

Noraboa a todos!