Clasificacións da carreira de Pontecesures

Seis atletas do MillaRaio correron en Pontecesures o pasado 26 de decembro.
As clasificacións son:
Categoría A: 2. Leonardo Guazzone Mariño, 4. Jaime Ferro Vilas. 

Categoría D: 3. Alba López Portabales, 5. Cristina Sánchez Pardo, 7. Natalia Sánchez Pardo.
Na categoría B correu Fátima Dell Blanco, aínda que non dispoñemos da súa clasificación.

Unha vez máis grazas aos atletas pola participación e entusiasmo que demostran en cada carreira.

Hoxe II San Silvestre na Alameda de Santiago

Hoxe celébrase a II San Silvestre lúdico-competitiva na Alameda. A saída será ás 21:00 h. dende a Porta dos Leóns no Paseo da Ferradura da Alameda Compostelana.

O CARSantiago é quen organiza este evento deportivo-festivo.

Os atletas non participarán con dorsais tal e como ven sendo habitual neste tipo de eventos lúdicos-festivos-competitivos. Non se vai utilizar CHIP nin ningún outro sistema de cronometraxe.

O percorrido será dar tres voltas o infinito (modificado) da Alameda. Distancia aproximada 5.852’32 metros. Os atletas menores de 14 anos darán só duas voltas ao circuíto, e non poderán optar aos premios.

Recoméndase estar media hora antes para facer un quencemento ensinando o percorrido a quén non o sepa.

Rematada a proba farase a entrega de premios. Os premios non son acumulativos.

XXVI San Silvestre de Pontevedra 

O 31 de decembro ás 17:00 h na Praza da Peregrina. A distancia a percorrer será de 4-5 kilómetros.

Organizada pola Sociedad Gimnástica de Pontevedra a inscrición na súa páxina web. Ata 15 minutos antes do comenzo da competición, poderase recoller o dorsal ou inscribirse na carreira.

Trofeo aos 3 primeiros homes e 3 primeiras mulleres. Lacón ao 1º clasificado home e muller. Agasallos a todos os participantes.

A derradeira do ano en Allariz 

O 31 de decembro ás 17:00 h na Praza Maior de Allariz. Organizada polo Concello de Allariz. A inscrición na piscina municipal ou no 988 44 20 83.

San Silvestre en Noia, Ribadeo e Castrelo de Miño

Todos os socios/as que desexen despedir o ano o día 31 facendo deporte contan con varias carreiras de San Silvestre por toda Galicia. Nunha entrada anterior no blog xa falamos da San Silvestre de Lugo e da de Vigo. Hoxe súmanse a San Silvestre de Noia, a de Ribadeo e a de Castrelo de Miño.

San Silvestre de Noia 

A partir de las 17:00 h. O circuíto será de 3.200 m, polo paseo marítimo e o casco vello de Noia, con saída e chegada na Alameda. Organizada polo Concello de Noia e o Club de Atletismo de Noia. As inscripcións poden facerse por correo electrónico ou na línea de saída ata unha hora antes da proba. Debido ao carácter festivo desta proba non haberá categorías otorgándose trofeo ao primeiro home e á primeira muller. Obsequiarase a todo participante cunha camiseta conmemorativa. Ao finalizar a proba haberá unha pequena festa para despedir o ano.

Máis información na web do Club de Atletismo de Noia.

San Silvestre de Ribadeo 

A partir de las 16:30 h cunha distancia de 5.000 m e unha carreira para nenos de 100-500 m (media hora antes). Organizada polo Concello de Ribadeo. As inscripcións son gratuítas ata media hora antes do comenzo da proba. Haberá premios en metálico para os tres primeiros/as na categoría absoluta.

X Carreira Popular San Silvestre de Castrelo de Miño 

As 16:00 h. para todas as categorías en 2 grupos. Na parte de adiante colocaranse as categorías superiores e na parte traseira as inferiores. Terá lugar no aparcadoiro do Parque Naútico de Castrelo de Miño e a distancia será 6.500 m. para a categoría absoluta e 2.000 m. para as categorías inferiores. Organizada polo Concello de Castrelo de Miño, o Clube Atletismo Ribeiro e Non Stop Training Club. A inscrición ten un prezo de 3 euros e as prazas están limitadas a 300 corredores, sumando todas as categorías.

Máis información na páxina do club ou en championchipnorte.

Cos nosos mellores desexos

31 de decembro XV San Silvestre de Lugo e V San Silvestre de Vigo

A San Silvestre de Lugo celebrarase a partir das 16:30 h. na zona do Paseo Fluvial próximo ao Pazo de Feiras e Exposicións. 

Categorías e distancias:

CARREIRAS INFANTÍS

MINI: feminina/masculina – anos 2004 - 2005 (distancias inferiores a 0,5 km)

A: feminina/masculina – anos 2001 - 2002 - 2003 (distancias inferiores a 1 km)

B: feminina/masculina – anos 1998 - 1999 - 2000 (entre 1,5 e 2 km)

C: feminina/masculina – anos 1996 - 1997 (entre 2 e 3 km)

D: feminina/masculina – anos 1994 - 1995 (entre 2 e 3 km)

CARREIRA ADULTOS (aprox. 6,5 km). As categorías son: E (anos 1989-1993), F (anos 1979-1988), G (anos 1969-1978), H (anos 1959-1968), I (anos 1958 e anteriores)

Trofeos aos tres primeiros clasificados de cada categoría e camisetas ao maior número posible de participantes. A entrega de trofeos celebrarase no Club Fluvial de Lugo, despois da carreira de adultos.

Nas carreiras infantís a inscripción será o día da proba de 15:30 h. a 16:15 h. no posto da organización instalado na saída. Os pequenos/as correrán sen chip.

Máis información  

A V San Silvestre de Vigo será a partir das 17:00 h. no Parque de Castrelos. O percorrido é de 5 km aproximadamente. Haberá merenda final para todos os participantes. A carreira é aberta a todas as idades e todo tipo de indumentarias. Solidaria, non competitiva e festiva.

MillaRaio cumpre un ano

Estamos de cumpreanos. Aproveitando a ocasión podedes escribir no chat as vosas experiencias neste primeiro ano, as expectativas para o próximo, que cousas do Club che parecen ben, as que se poderían mellorar ou que novidades che gustarían nun futuro.

A fotografía que acompaña este texto, cedida por Susana Mayo, é da primeira carreira na que participaron os atletas do MillaRaio. A foto indica canto medramos nun ano, e non falo da estatura dos atletas… O que ves na foto era, máis ou menos, o club nos seus inicios. Ese día a mensaxe para os nosos pequenos/as era "hai que chegar á meta, se non podedes correr, camiñade". Lonxe quedaban aínda as clasificacións e os trofeos aos que non podíamos aspirar, pero a Padrón chegamos pequenos e grandes cheos de ilusión. Para algúns coma mín o primeiro contacto coas carreiras populares, aínda que hoxe todos "navegamos" con naturalidade pola páxina de correr en Galicia e no foro en busca de información.

O que conseguimos este ano:

Os nosos fillos e fillas corren mellor. Coñecen máis os seus límites e miden ben as forzas para chegar en mellores condicións á meta. Hai corredores/as que comenzan a destacar e xa nos teñen acostumados aos trofeos.

Contamos cun adestrador profesional, responsable e de gran calidade persoal. Sempre disposto a ofrecer axuda e información.

Chegamos ao tope máximo de 40 atletas e hai xa lista de espera.

Estivemos a piques de lograr o premio ao mellor Club do Concello de Ames e tamén á mellor promesa feminina (deportista menor de 18 anos).

Temos aprobada unha subvención do Concello de Ames de 1.375 euros, aínda que a Xunta non concedeu axuda algunha.

MillaRaio comenza a ser coñecido no Concello, na Xunta e tamén na Federación Galega de Atletismo, grazas ao esforzo da directiva e de Juan Pablo.

Celebramos tres festas nas que adultos e nenos pasamos o día xuntos, coñecéndonos mellor e facendo novos amigos: o cocido do Antroido, a festa do Club no mes de xuño e o xantar de Nadal.

En Picasa hai 1.362 fotos de 18 carreiras distintas e da festa do Club, feitas a maioría por David Fuentes.

Fai 2 meses naceu este blog como medio de comunicación entre os socios/as. Máis de 2.600 visitas neste tempo indican que conta con seguidores externos ao Club. Pola parte que me toca grazas a todos por estar ahí, tamén aos lectores de Brasil.

As cuotas anuais de MillaRaio son de 75 euros (novos socios) e 30 euros (renovación de praza). Con dereito a chandal (35 euros), pantalón curto (9 euros), adestrador (30 euros aprox.) e seguro obrigatorio (20 euros). Pode alguén preguntar porque vendemos lotaría ou rifas?

Grazas a todos os que traballaron e aos que seguen a traballar para MillaRaio, de xeito altruísta e sen experiencia previa nestes cometidos. Grazas tamén aos nosos nenos e nenas, por eles nos esforzamos cada día en mellorar.

FELIZ CUMPREANOS MILLARAIO, E QUE CUMPRAS MOITOS MÁIS...

26 de decembro X Carreira Popular Concello de Pontecesures

Categorías, distancias e horario:

Pitufos/ 0-4 anos/ 100 m/ 18.15 h.

A-B/ homes e mulleres de 5 a 8 anos/ 400 m/ 16.30 h.

C-D/ homes e mulleres de 9 a 12 anos/ 600 m/ 16.45 h.

E-F/ homes e mulleres de 13 e 14 anos/ 1.200 m/ 17.00 h.

G-H/ homes e mulleres de 15 a 17 anos/ 5.000 m/ 17.20 h.

I-J/ homes e mulleres de 18 a 35 anos/ 5.000 m/ 17.20 h.

K-L/ homes e mulleres de 36 a 50 anos/ 5.000 m/ 17.20 h.

M-N/ homes e mulleres de máis de 50 anos/ 5.000 m/ 17.20 h.

Saída e meta no "coche de pedra". Haberá trofeos para os 3 primeiros da xeral, medalla ós 3 gañadores de cada categoría, e camiseta para os 200 primeiros inscritos.

Máis información

MillaRaio 2º club en participación no campo a través “cidade de Santiago”

A segunda volta do II trofeo de atletismo campo a través “cidade de Santiago” que se celebrou este sábado, 12 de decembro, contou cunha alta participación de atletas do MillaRaio. Fomos o 2º club en número de participantes, so adiantados polo Olímpico Vedra. A maior cantidade de atletas de MillaRaio concentrouse na categoría Prebenxamíns.

Na categoría Alevín nenos temos o 3º posto por equipos. A categoría Prebenxamíns non puntuaba, de facelo teríamos o 1º posto por equipos.

As clasificacións individuais por categorías foron:

Prebenxamín nenos: 1. Hugo González Olveira; 2. Guillermo De La Riva Paredes; 6. Pablo Souto García; 7. Miguel Piñón Álvarez; 9. Iago Ramos López; 10. Ephem Canal Piñón; 11. Mario Uzquiaga Escourido; 12. Antón Rivas Seijas; 13. Mario Vilar Veiga; 16. Mario López Lareo; 17. Xoel Moar Segade.

Prebenxamín nenas: 4. Fátima Dell Blanco; 6. Carla Buela Enjo.

Benxamín nenos: 3. Leonardo Guazzone Mariño; 8. Jaime Ferro Vilas; 9. Antón González Pérez.

Alevín nenos: 6. Hugo Rodríguez Abel; 18. Jacobo Nogueira Colmeiro; 21. Iago Fuentes García; 24. Pablo Nogueira González.

Alevín nenas: 3. Alba López Portabales; 9. Natalia Sánchez Pardo.

Infantís nenas: 11. Cristina Sánchez Pardo.

Na primeira volta deste trofeo, celebrada o pasado 14 de novembro, acadamos o 3º posto por equipos na categoría Benxamíns.

Unha vez máis felicitar, polo seu esforzo, a todos os/as atletas que se animaron a correr.

Parabéns á familia Fraga Caneiro

A directiva de MillaRaio quere felicitar á atleta Elena Fraga Caneiro e a súa familia que dende o pasado 6 de decembro contan cun novo membro na casa. Martín Fraga Caneiro naceu saudable e grande, con case 4 kilos de peso. A este paso dentro de poucos meses estará xa criado e verémolo correndo ao lado de Elena coa camiseta do MillaRaio.

Leo 2º no "Gran Premio La Bella Otero" de Valga

As clasificacións da carreira pedestre Gran Premio La Bella Otero, celebrada en Valga o pasado 8 de decembro, son as que seguen:

Pitufos: 5. Xoel Moar Segade

Categoría A: 2. Leonardo Guazzone Mariño; 7. Brais Moar Rosero

Categoría B: 6. Fátima Dell Blanco

Categoría D: 7. Alba López Portabales; 8. Cristina Sánchez Pardo; 11. Natalia Sánchez Pardo

20 de decembro carreiras en San Cibrao das Viñas, en Boiro e en Vigo

VIII Carreira pedestre do Nadal San Cibrao das Viñas 

As inscricións estarán limitadas a 500 participantes, incluíndo adultos e nenos/as e terán un custe de 3 euros. Os pitufos inscribiranse o día da proba e non levarán chip. A Saída e meta será nas Piscinas Municipais de Ponte Noalla, nas inmediacións do Polígono de San Cibrao das Viñas. A saída será conxunta para as categorías de escolares e absolutos. Os escolares pararán na 1ª volta e os restantes corredores completarán 2 voltas (1 pequena e 1 grande).

Categorías, percorrido e horario

A. Alevín / 1999 e 2000 / 3 km (1 volta) / 12:00 h.

B. Infantil / 1997 e 1998 / 3 km (1 volta) / 12:00 h.

C. Cadete / 1995 e 1996 / 3 km (1 volta) / 12:00 h.

D. Xuvenil / 1993 e 1994 / 3 km (1 volta) / 12:00 h.

E. Junior-promesa / 1988 a 1992 / 8’5 km (2 voltas) / 12:00 h.

F. Senior / 1987 ata veterán / 8’5 km (2 voltas) / 12:00 h.

G. Veterán A / de 40 a 49 anos / 8’5 km (2 voltas) / 12:00 h.

H. Veterán B / de 50 a 59 anos / 8’5 km (2 voltas) / 12:00 h.

I. Veterán C / de 60 anos en adiante / 8’5 km (2 voltas) / 12:00 h.

Pitufos / 2001 e posteriores / 300 m. / 13:00 h.

Premios

150€ - 100€ - 75€ - 60€ - 60€ - 60€ aos seis primeiros clasificados/as en material deportivo.

Trofeo aos 3 primeiros clasificados/as en cada categoría.

Camiseta técnica e bolsa do corredor para todos os/as participantes que rematen a proba.

60€ aos seis primeiros clasificados/as do Concello de San Cibrao das Viñas en material deportivo.

Medalla para todos os pitufos participantes.

Sortearanse numerosos agasallos e productos gastronómicos, bicicletas, cestas de Nadal e unha noite de hotel nunha suite con cea para dúas persoas.

Máis información 

V Carreira Popular Mar de Boiro 

Terá lugar na praza de Galicia ás 11:00 h. A recollida de dorsais será a partir das 09:00 h. ata as 10:15 h.

Categorías e percorrido:

Benxamín Masc. e Fem. / 2001 e 2002/ 2.300 m.

Alevín Masc. e Fem. / 1999 e 2000/ 2.300 m.

Infantil Masc. e Fem./ 1997 e 1998/ 2.300 m.

Cadete Masc. e Fem. / 1995 e 1996/ 8.246 m.

Juvenil Masc. e Fem./ 1993 e 1994/ 8.246 m.

Junior Masc. e Fem./ 1991 e 1992/ 8.246 m.

Promesa Masc. e Fem./ 1988, 1989 e 1990/ 8.246 m.

Senior Homes e Mulleres / 1987 e 1974 (ambos incluídos)/ 8.246 m.

Veteranos/as A / homes e mulleres nados entre 1973 e 1964 (ambos incluídos)/ 8.246 m.

Veteranos/as B / homes e mulleres nados entre 1963 e 1954 (ambos incluídos)/ 8.246 m.

Veteranos/as C / homes e mulleres nados en 1953 e anos anteriores/ 8.246 m.

As categorías benxamín, alevín e infantil farán a saída conxunta, detrás da categoría absoluta, na rúa Principal, fronte ó edificio do concello. A chegada será na parte de atrás deste edificio, na rúa peonil. Está permitido que os pais ou adultos corran acompañando aos nenos.

Premios:

Trofeos para os 3 primeiros clasificados en tódalas categorías.

Trofeos aos 3 primeros corredores de Boiro da categoría xeral, masculino e feminino.

Medallas do 4º ao 13º clasificado na categoría de escolares.

Tódolos corredores que entren en meta recibirán un agasallo.

Non haberá premios económicos.

Máis información

Carreira do Pavo 2009-Trofeo El Corte Inglés

En Vigo, no circuíto urbano da Praza de Compostela e arredores, co seguinte programa:

10:30 h /Benxamín, ambos sexos/ 2001-2002/ 713 m

10:40 h/Alevín, ambos sexos/ 1999-2000/ 1.363 m

10:55 h/Infantil, ambos sexos/ 1997-1998/ 2.013 m

11:10 h/Cadete, ambos sexos/ 1995-1996/ 2.818 m

11:30 h/Xuvenil/Júnior/Veterana femenina/1993-1994 e 1991-1992 / 35 anos cumpridos ou mais/ 3.623 m

11:50 h/ Xuvenil/Júnior/Veterana masculina/1993-1994 e 1991-1992/ 35 anos cumpridos ou mais/ 5.728 m

12:20 h/ Promesa/ Sénior femenina/ 1988-1989-1990 / 1987 e anteriores/ 4.273 m

12:50 h/ Promesa/ Sénior masculina/ 1988-1989-1990 / 1987 e anteriores/ 7.988 m

O prazo para a inscrición péchase o 17 de decembro ás 21 horas.

Premios: Trofeo ao 1º clasificado e lotes de produtos do Nadal aos 3 primeiros por cada categoría e sexo.

Camiseta a todos os participantes.

Máis información

Pais e deporte base

Moitos factores inflúen na iniciación deportiva: as características persoais do neno/a, a filosofía do club ou escola deportiva, o grupo de iguais, os adestradores ou monitores deportivos e os propios pais. Os pais forman parte do contexto deportivo, as súas decisións, opinións e actitudes inflúen na experiencia deportiva dos seus fillos/as, dándolle ao deporte un enfoque lúdico ou meramente compititivo.

O deporte é unha ferramenta moi útil na educación dos fillos/as aportando unha serie de valores imprescindibles para a formación integral do neno/a como persoa e deportista. O deporte fomenta a autonomía persoal e a toma de decisións propias, crea un ambiente de colaboración cos compañeiros, mellora a autoconfianza e a comunicación, axuda a consolidar hábitos saúdables, ensina o respeto polo adversario e a importancia de esforzarse e superarse día a día mesmo despois da derrota. En definitiva proporciona pautas mínimas moi importantes para o desenvolvemento persoal. 

Recomendacións para que os pais e nais fagan máis satisfactoria a experiencia deportiva dos nenos/as:

Favorecer a actividade deportiva dos teus fillos/as, sen esquecer que a elección do deporte debe ser libre e voluntaria por parte do neno/a.

Involucrarse nas actividades deportivas dos fillos/as. Sempre que podas axudar nas tarefas do club ou escola deportiva. Pregunta as dúbidas que teñas sobre o funcionamento do club, os seus obxectivos, a programación deportiva (horarios, actividades)...

Asegurarse que os nenos practiquen deporte nun entorno saúdable. A maioría dos adestradores e monitores contan con boa formación para desenvolver o seu traballo, confía nas súas decisións deportivas e se non estás dacordo comparte as túas ideas directamente con eles.

Non fagas de 2º adestrador, aínda que coñezas a fondo o deporte que practica o teu fillo/a. ¿A quen lle fago caso? ¿ao adestrador ou a papá? Probablemente a ningún dos dous.

Premiar sempre a participación, a superación, o respecto polas decisións arbitrais e polo adversario. Debemos ser modelos de autocontrol para os fillos/as.

Non esquezas nunca que o obxectivo principal no deporte base é a diversión e a formación dos nenos/as. Disfruta asistindo ás competicións y convírtete no FAN nº 1 do teu fillo/a.

Isto é o resumo dun artigo escrito por Eva M. García Quinteiro e publicado na páxina web de EPSIDE (Psicólogos do deporte en Galicia). Aproveito a ocasión para colgar o enlace a esta interesante páxina, que eu non coñecía, e dar as grazas ao socio/a que o fixo chegar coa súa mensaxe.

O artigo completo

Alba 3ª en Lestrove, Guillermo de la Riva 4º en Ourense

Malia o tempo que fixo 7 valientes atletas de MillaRaio correron o sábado en Lestrove nas categorías A , B e pitufos.

As clasificacións na categoría A foron: 10. Leonardo Guazzone; 13. Pablo Nogueira; 15. Antón Nogueira.

Na categoría B correu Alba López Portabales que acadou o 3º posto, según confirman pais e nais de MillaRaio que acodiron á carreira. Por problemas coa organización na clasificación final aparece en 4º posto.

Tamén correron 3 pitufos: Xoel e Brais Moar e Mario Vilar Veiga, aínda que non aparecen na clasificación. Parabéns a todos os atletas que con ilusión corren cada semán neve, chova ou faga sol.

Máis información neste enlace.

Na carreira de Ourense, o pasado 8 de decembro, participou na categoría de cativos masculino Guillermo de la Riva Paredes, clasificado en 4º posto.

O adestrador responde dúbidas

Recibimos un comentario de Juan Pablo aclarando dúbidas sobre o deporte e as clasificacións que publico aquí íntegro pola súa importancia como punto de vista dun profesional. Tamén adiantamos que o 15 de xaneiro dará unha charla informativa a todos os pais e nais que agardamos impacientes.

O comentario é o que segue:

"Tuve dudas en comentar, pero creo que mi contacto directo con el atletismo popular y federado bien como mi experiencia en el trabajo y estudios con el deporte infantil pueden ser un punto para colaborar en la discusión.

En primer lugar es lógico que nos guste a todos tener la clasificación en el blog. Por otro lado, no conozco a ningún club que tenga en su blog o página web las clasificaciones de todas las carreras a que acuden sus atletas y más: casi ningún club gallego tiene un medio como el del MillaRaio lo que es de agradecer. En resumen, hay que agradecer que estén las clasificaciones y si no se ponen, pues cada uno sabe su puesto o donde encontrarlo.

Otro tema es el de discutir la filosofia del deporte o sus significados. Como bien dice Anónimo, a los juegos van los mejores y los que principalmente han elegido hacer del deporte su manera de trabajo y de vida. No creo que sea el caso de ninguno de nuestros pequeños, que por más competitivos que puedan ser, todavia no tienen maturidad ni condiciones de decidir que quieren desde ya ser olímpicos.

Y aunque lo quieran ser, todos los estudios y especialistas indican que los que ahí llegaron hicieron el camino del ludico, de divertirse con el deporte, de formarse primero buscando el resultado de la tarea y no del rendimiento. Si competían... pero como cualquier niño, competían a tirar la piedra más lejos, a saltar la alcantarilla o a subir más rápido la cuesta de la calle y alguna que otra vez, en el caso del atletismo, nuestros campeones de hoy iban a algún cros o carrera y llegaban entre el mogollón, prácticamente nunca de primeros.

Perdonarme extenderme tanto, pero creo que hacía falta poner a la luz algunos puntos que están claros (por lo menos para los especialistas) en relación al desarrollo del deporte infantil y que para mi alegría son los mismos que aplica el club en su filosofía de trabajo.

El texto sobre los 1ºs publicado está muy bien y habría que servir de inspiración. Os dejaré también una publicación que trata del tema y espero que haya interés en la charla del día 15 de enero pues ahí podremos debatir y acercarnos a la mejor manera de orientar los niños en el deporte para que sean las mejores personas y deportistas que puedan ser!

Un saludo y hasta el día 12".

1.375 euros de subvención concedeu o Concello de Ames a MillaRaio

O concello de Ames aprobou recentemente as subvencións para a promoción de actividades culturais e deportivas para o exercicio 2009. As subvencións para actividades culturais corresponderanse con 66.988,69 euros mentres que se destinarán 44.963,90 euros para a promoción do deporte.

A comisión avaliadora estivo composta polo alcalde do Concello de Ames, Carlos Fernández, o concelleiro de Cultura e Deportes, Francisco Villaverde, a Secretaria e a Interventora. Os criterios para a concesión de subvencións foron: a implicación da comunidade na actividade proposta, a periodicidade do proxecto, o importe, o interese da actividade, o uso da lingua galega e as axudas solicitadas a outras administracións.

Seguindo os criterios de concesión de subvencións e porque promocionamos o deporte e o atletismo no concello de Ames a directiva de MillaRaio establece, nas súas normas internas de funcionamento, como carreiras prioritarias as do concello, así como a colaboración na organización das mesmas.

Máis información sobre as subvencións na páxina do concello.

O 8 de decembro celebrarase a X Carreira Expourense-Megaxove

O Club Ourense Academia Postal organiza a X Carreira Expourense-Megaxove, coincidiendo coa celebración desta feira no recinto feiral de Expourense. A competición terá lugar nos arredores do recinto feiral Expourense e do Pazo de Deportes “Paco Paz”.

A carreira disputarase o próximo martes, 8 de decembro, a partir das 11:15 horas. A entrega de trofeos realizarase a partir das 13:30 horas dentro do recinto de Expourense.

Establécense as seguintes categorías:

Cativos / 2003 e con posterioridade

Benxamín / 2001 e 2002/

Alevín / 1999 e 2000

Infantil / 1997 e 1998

Cadete / 1995 e 1996

Xuvenil / 1993 e 1994

Iúnior / 1991 e 1992

Promesa – Sénior / 1975 e 1990

Veteráns A (homes e mulleres) / 1965 e 1974

Veteráns B Homes / 1955 e 1964

Veteráns C Homes / 1954 e con anterioridade

Veteráns D Mulleres / 1964 e con anterioridade

Horario das probas e distancias aproximadas:

11:15 / Alevín – Infantil mulleres / 1.200 m.

11:25 / Alevín – Infantil homes / 2.050 m.

11:40 / Cadete – Xuvenil mulleres / 2.050 m.

11:55 / Cadete – Xuvenil homes / 3.600 m.

12:20 / Iúnior-Promesa-Sénior-Veteráns / 6.000 m.

As clasificacións serán individuais para cada categoría, atendendo ó posto na liña de chegada. Na categoría de Cativos nos se establecerá unha clasificación final, e tódolos participantes na mesma recibirán un agasallo ó alcanzar a liña de meta. As clasificacións serán expostas no Stand do Club Ourense Atletismo Academia Postal en Megaxove, tra-la finalización de cada carreira, e na páxina web do Club ao longo da tarde.

Máis información 

Lembramos que ese mesmo día tamén haberá carreira en Valga como xa publicamos no seu día.

Suspéndense os adestramentos ata o sábado 19

O próximo sábado, 5 de decembro, queda suspendido o adestramento. Ese mesmo día na carreira de Lestrove participarán 8 atletas, 17 nenos e nenas estarán ausentes do Milladoiro polos días festivos e os restantes socios non contestaron á mensaxe do secretario de MillaRaio.

O sábado 12 é o día da carreira en Santiago, na que están inscritos todos os nenos e nenas, e despois o xantar de Nadal. Polo tanto os adestramentos suspéndense ata o sábado 19 de decembro.

Desexamos a todos os socios e socias que pasedes unha boa ponte e aproveitedes estes festivos para “recargar pilas”.

O 12 de decembro corremos en Santiago, despois xantar de Nadal en Vedra

O próximo 12 de decembro os socios e socias de MillaRaio teñen dúas citas ineludibles.

A segunda volta do II trofeo de atletismo campo a través "cidade de Santiago" no parque Eugenio Granell a partir das 10.30 horas. Lembramos que as categorías da competición e distancias son:

Prebenxamín mixto (2003 e posterior): 300 m.
Benxamín mixto (2002 e 2001): 800 m.
Alevín feminino (2000 e 1999): 1.200 m.
Alevín masculino (2000 e 1999): 1.900 m.
Infantil feminino (1998 e 1997): 1.900 m.
Infantil masculino (1998 e 1997): 2.900 m.
Cadete feminino (1996, 95 e 94): 2.200 m.
Cadete masculino (1996, 95 e 94): 3.500 m.

O xantar de Nadal será no restaurante parrillada ALDEA GRANDE, en Sta. Cruz de Rivadulla-Vedra, no km. 17 da estrada Santiago-Ourense.
O menú ten un prezo de 12 euros para os nenos e 20 euros para os adultos.

Os nenos/as poderán tomar pizza caseira, churrasco de porco e tenreira ou polo.

Os adultos: 1/2 ración de polbo, empanada de zamburiñas, langostinos á prancha e churrasco mixto ou polo.

Para o postre poderase escoller entre varios tipos de torta e xeados.

O restaurante conta cunha carpa, en caso de mal tempo, para que os nenos/as podan xogar. Tamén haberá coches de pedais, motos, bicis, campo de baloncesto e fútbol para que pequenos e maiores pasemos unha tarde agradable. Ampla zona verde e contacto coa natureza e con animais son outras diversións do lugar.

Prégase confirmar asistencia o antes posible. Eu non dubidaría xa que o plan para todo o día parece perfecto. Neste enlace verás o restaurante.

¿Debemos publicar as clasificacións das carreiras?

MillaRaio publica neste blog as clasificacións dos socios e socias do Club nalgunhas das carreiras que participan. As clasificacións publicadas están recollidas da páxina principal ou do foro de correr en Galicia. En ningún caso a dirección de MillaRaio ou quen esto escribe fai un seguimento persoal e individualizado de cada un dos 40 socios ou da súa clasificación particular. Tampouco se publica a clasificación dun único neno ou nena senón dispoñemos dos datos de todos ou da maioría dos participantes, xa que non resultaría equitativo.

Non lle dou ás clasificacións excesiva importancia pero a queixa recente dun pai faime dubidar de si debemos ou non publicalas no blog, razón pola que propoño a enquisa que aparece na columna da dereita. A miña opinión persoal é que non deberían publicarse ou ben facelo de xeito que se lles reste importancia. Cando participamos nunha carreira popular non só facemos que os nenos e nenas practiquen deporte, tamén transmitimos valores e os educamos para o futuro. Pero ¿que valores queremos transmitir?

Ahí van varias preguntas:

¿Importa máis o aspecto lúdico deportivo da carreira ou competir?

¿Engadimos presión nos nenos e nenas coa clasificación das carreiras?

¿Premiamos a clasificación ou o esforzo individual e a superación persoal de cada neno/a?

¿Que logro é maior: correr con 6 anos 500 metros e chegar nos primeiros postos ou correr a mesma distancia con 3 anos e chegar último, pero sen abandonar?

Se eu non corro nin 500 nin 2.000 metros ¿ao meu neno/a suponlle menos esforzo que a mín facelo?

¿Non é mérito suficiente correr, ás veces distancias moi longas para a idade dos nenos/as?

¿Escoitamos a súa opinión? ¿Non volcamos as nosas aspiracións frustradas neles?

¿Reclamamos a clasificación igual se o noso fillo/a chega nos primeiros ou nos últimos postos?

¿Non é igual de importante aprender a perder que a gañar?

Opina, propón novas preguntas e participa na enquisa. Grazas anticipadas pola túa colaboración.

Relacionado con este tema o blog de temática infantil peques y más publicou estes días o post “ser el 1º: la competitividad”.

A ponte de decembro estará plagada de carreiras

O sábado 5 de decembro celebrarase a XI Carreira Pedestre Lestrove-09, a partir das 16.00 h. 

A Saida e Meta estarán situadas no lugar de A Devesa, xunto F.P. e o Pavillón Novo de Padrón.

As categorías, percorrido e hora de saída son:

PITUFOS / 0 a 5 anos / 150 m. / 16:00 h.

A e B / nenos e nenas de 6 a 10 anos / 860 m. / 16:10 h.

C e D / nenos e nenas de 11 a 13 anos / 2.220 m. / 16:25 h.

E e F / nenos de 14 a 16 e nenas de 14 a 17 anos / 2.220 m. / 16:25 h.

G, H, I, J,K,L,M,N / 17 anos en diante/ 8.750 m. /17:00 h.

Premios: 350 camisetas, medalla para todos os Pitufos, trofeo aos 3 primeiros de cada categoria, trofeo aos 3 primeiros equipos (puntuan 4 atletas). 

Máis información 

O domingo, 6 de decembro celebrarase o XXXVI Trofeo Pedestrismo Concello de Cangas a partir das 10.00 h. Terá lugar na Alameda Vella de Cangas e as distancias a percorrer van dende os 250 metros aos 9.000 m. Organiza o Club de Atletismo Vila de Cangas. 

Información

Finalmente, o martes 8 de decembro, terá lugar a Carreira Pedestre Gran Premio La Bella Otero, en Valga. A hora de comenzo é a partir das 11:00 h. no Teleclube de Cordeiro (km 3 da estrada PO-548 dende Pontecesures a Vilagarcía).

Categorías, idades e percorrido:

A e B/nenos e nenas de 6 a 8 anos/ 800 m.

C, D, F/ nenos e nenas de 9 a 12 anos e nenas de 13 a 16 anos/ 2.200 m.

E, G, H, I, J, K e L/ 6.600 m.

Trofeo aos tres primeiros de cada categoría e CHURRASCO gratis para todos os participantes.

Información

Juan Pablo acada o 3º posto na carreira benéfica de Mos

O noso adestrador, Juan Pablo Fernández, acadou un meritorio 3º posto na II Carreira Popular benéfica Óscar Pereiro, celebrada en Mos o pasado sábado, 21 de novembro.

Recibe as nosas felicitacións Juan Pablo. A clasificación completa neste enlace

Leo vence en Vedra na categoría de Benxamín masculino. Hugo Rodríguez acada o 2º posto en Alevín masculino

Os atletas de MillaRaio conseguiron trofeos na V carreira pedestre popular de Vedra. Leonardo Guazzone acadou o 1º posto na categoría de Benxamín masculino. Outros participantes nesta categoría foron: Jaime Ferro Vilas (9º), Noé Cutrín González (13º) e Xela Cascallar Mayo (7º posto en Benxamín feminino).

Hugo Rodríguez Abel acadou o 2º posto na categoría Alevín masculino.

Na categoría de Prebenxamín masculino Miguel Piñón Álvarez chegou 4º, Mario Vilar Veiga en 5º posto e Xoel Moar Segade en 8º. En Prebenxamín feminino Fátima Dell Abel tamén acadou o 4º posto.

Parabéns aos gañadores e a todos e todas os/as atletas de MillaRaio que correron. Valoramos moito a vosa participación e esforzo.

Mensaxe de pésame para a familia López Portabales

A directiva de MillaRaio quere facer chegar unha mensaxe de pésame para a socia Alba López Portabales e a súa familia polo recente falecemento da súa avoa.

¡Ánimo Alba! Estamos contigo neste intre difícil. Recibe un bico grande de todos nós.

MillaRaio a 1 voto do Premio ao Mellor Club Deportivo de Ames

MillaRaio presentou a súa candidatura para os premios da IV Gala do Deporte 2009 que celebrará o concello de Ames o próximo sábado, 21 de novembro, a partir das 20.00 h. na Casa de Cultura do Milladoiro.

Para a categoría de Mellor Club presentáronse 7 candidaturas, quedando gañador o Bugallido F. C. (5 votos), en 2º lugar quedou MillaRaio (4 votos).

MillaRaio tamén presentou a Alba López Portabales, de 8 anos de idade, como candidata a mellor promesa feminina de Ames (deportista menor de 18 anos), que quedou 2ª na votación (5 votos). A gañadora desta categoría foi a regatista Irene Mirás, de 12 anos de idade e campiona galega de K2 dende o ano pasado (7 votos). Sen dúbida un gran logro para Alba que con tan poucos anos xa figura entre as mellores promesas do concello.

Para a categoría a mellor promesa masculina de Ames (deportista menor de 18 anos) MillaRaio propuxo a Leonardo Giovanni Guazzone Mariño, de 8 anos de idade. O galardón foi para Cristian González Méndez, tenista de 17 anos e subcampión do Máster Galego de Tenis 2009.

As candidaturas presentadas votáronse o pasado 2 de novembro no Pazo da Peregrina. O xurado foi o mesmo para todos os premios e nel estaban representados todos os clubes inscritos no rexistro oficial de entidades deportivas do concello.

Para MillaRaio é todo un logro e gran honra que, con menos dun ano de existencia, se nos teña en tan alta consideración. Os nosos novísimos atletas, grazas ao seu esforzo, xa comezan a colleitar triunfos no ámbito deportivo.

Máis información na páxina do concello de Ames.

Carreira benéfica en Mos o sábado 21 e carreira popular en Vedra o domingo 22

A II Carrera Popular benéfica Óscar Pereiro - Divina Pastora, Mos celebrarase o sábado 21 de novembro de 2009, no pavillón Oscar Pereiro de Mos ás 16:30 h.

Categorías, distancias e horarios:

Pitufos: 2003 e posteriores/ 80 mts. /16:50

Benxamíns: 2001 e 2002/ 900 mts. /17:00

Alevín: 1999 e 2000/ 1.800 mts. /17:15

Infantil: 1997 e 1998/ 3.5-Km. /17:30

Cadete: 1995 e 1996/ 3.5-Km. /17:30

Xuvenil: 1993 e 1994/ 10-Km. / 17:30

Júnior, Promesa, Veteráns e Superveteráns: 10-Km. / 17:30

A inscrición da carreira terá un coste de 2 € (os pitufos, benxamíns e alevíns non é obrigatorio que realicen o donativo). Todos os donativos de inscrición irán destinados íntegramente á Asociación de Disminuídos Físicos e Psíquicos de Mos – ASODIFISI.

O domingo,  22 de novembro, celebrarase a V Carreira Pedestre Popular de Vedra. A partir das 11:00 h na Carballeira de O Souto, San Fins de Sales, Vedra.

Categorías, distancias e horarios:

Prebenxamín: 2003 e posteriores/ 100 metros/ 12:00

Benxamín: 2001 e 2002/ 800 metros/ 12:10

Alevín infantil: 2000, 1999, 1998, 1997/ 1.600 metros/ 12:25

Cadete xuvenil: 1993, 1994, 1995 e 1996/ 2.400 metros/ 12:45

A entrega de trofeos terá lugar as 13:30 horas. Haberá trofeos para os tres primeiros clasificados absolutos masculinos e femininos, e para os tres primeiros clasificados masculinos e femininos de cada categoría. Non haberá premios en metálico.

Bos resultados dos atletas de MillaRaio en Bueu e Negreira

Dous atletas de MillaRaio acudiron á carreira de Bueu a pasada fin de semana e os dous conseguiron subir ao podio. Mario Vilar Veiga, de 4 anos, competiu na categoría de "biberóns" na que acadou o 2º posto. Sunny Seijas Portas, de 6 anos, acadou tamén o 2º posto na categoría de "minibenxamíns".

Na carreira de Negreira participaron 5 nenos e 1 nena, todos na categoría de "benxamín-alevín". Correron 1 km e ningún conseguiu trofeo, pero todos quedaron ben clasificados. Dun total de 113 participantes os corredores do club acadaron os postos 14 (Leo Guazzone), 16 (Jacobo Nogueira), 23 (Alba López Portabales), 34 (Pablo Nogueira) e 37 (Antón Nogueira). Alba acadou o posto 23 na xeral pero foi a 4ª nena que entrou en meta. A clasificación xeral pódese consultar neste enlace

Parabéns a todos os nenos e nenas do MillaRaio pola súa ilusión e esforzo. Supéranse cada día.

MillaRaio acudirá o próximo sábado ao II trofeo de atletismo campo a través "cidade de Santiago"

O próximo sábado, 14 de novembro, celébrase no Parque de Eugenio Granell (xunto ao Hipercor) o II trofeo de atletismo campo a través "cidade de Santiago". A competición está organizada, a petición do concello de Santiago, pola Federación Galega de Atletismo a través da delegación territorial de Santiago.

As categorías da competición, distancias e horarios son: 

Prebenxamín mixto (2003 e posterior): corren 300 m. ás 10.45 h.

Benxamín mixto (2002 e 2001): corren 800 m. ás 11.00 h.

Alevín feminino (2000 e 1999): corren 1.200 m. ás 11.15 h.

Alevín masculino (2000 e 1999): corren 1.900 m. ás 11.30 h.

Infantil feminino (1998 e 1997): corren 1.900 m. ás 11.45 h.

Infantil masculino (1998 e 1997): corren 2.900 m. ás 12.00 h.

Cadete feminino (1996, 95 e 94): corren 2.200 m. ás 12.20 h.

Cadete masculino (1996, 95 e 94): corren 3.500 m. ás 12.45 h.

A clasificación poderá ser individual ou por equipos, agás os prebenxamíns que non participarán por equipos. Haberá trofeos para os tres primeiros clasificados individuais por categoría e sexo e tamén para o equipo gañador en cada categoría e sexo, agás os equipos benxamíns que serán mixtos. Haberá medallas para todos os participantes e os prebenxamíns non recibirán trofeo.

A competición contará cunha segunda xornada que se celebrará o 12 de decembro.

Por proximidade xeográfica e porque o evento está pensado para a promoción do deporte de base e para fomentar os valores do atletismo entre os máis novos o club considera esta cita como ineludible, razón pola que todos os socios de MillaRaio están inscritos nesta proba. Para que todos os atletas podan acudir libremente a esta cita o adestramento do próximo sábado queda suspendido.

Vémonos o sábado.

O programa XOGADE comeza de novo

A Secretaría Xeral para o Deporte da Xunta de Galicia desenvolve por segundo ano consecutivo o programa XOGADE (Xogos Deportivos Galegos) co obxectivo de achegar, a través do xogo, o deporte ao maior número posible de escolares galegos de primaria e secundaria.

XOGADE conta con actividades deportivas competitivas e actividades deportivas lúdico-recreativas nun total de 21 deportes entre os que ten cabida o atletismo. Os escolares poden competir, de xeito individual ou por equipos, en atletismo en pista e atletismo en pista cuberta. Nas actividades lúdico-recreativas desenvólvense os programas “xogando co atletismo 1” e “xogando co atletismo 2”.

As categorías dos XOGADE son: Benxamín (2002-2001); Alevín (2000-1999); Infantíl (1998-1997) e Cadete (1996-1995-1994).

Os programas “xogando co atletismo 1”(Benxamín e Alevín) e “xogando co atletismo 2” (Infantil e Cadete) lévanse a cabo por parte das delegacións da Federación Galega de Atletismo e a colaboración dos clubs de atletismo interesados en intervir na organización dos XOGADE, previa inscrición. Este ano o prazo de inscrición rematou o 26 de outubro.

Para as actividades deportivas-competitivas o prazo de inscrición remata o 15 de xaneiro do 2010. As competicións teñen lugar a nivel local, comarcal, provincial e autonómico. Os benxamíns e alevíns participan nas fases local, comarcal e provincial. As categorías infantís e cadetes poden chegar a concursar nas fases autonómica e nacional. Moitas modalidades deportivas distinguen duas ligas: “liga A” e “liga B”, có obxectivo de recuperar os participantes que quedan eliminados nas primeiras fases para que poidan seguir xogando, garantindo así uns dos obxectivos principias de XOGADE: máis tempo de práctica para o maior número de escolares posible.

Poden inscribirse centros de ensino, ANPAs, clubes, escolas deportivas municipais, agrupacións deportivas e asociacións de Galicia a través desta páxina. Tamén vos podedes informar na páxina da Federación Galega de Atletismo.

Para os programas “xogando co atletismo 1” e “xogando co atletismo 2” chegamos tarde, pero a min parécenme unhas actividades deportivas do máis interesante para vindeiros cursos. Que opinades?

Bueu celebra carreira pedestre o próximo domingo

Todos os que non asistan á carreira de Negreira o próximo domingo, 8 de novembro, poden correr en Bueu, a partir das 10 da mañá.

As categorías da XIV Carreira Pedestre do San Martiño, en Bueu son as que seguen:

Chupetes. Nados do 2005 ao 2007. Percorrido: 100 m.

Minibenxamín. Nados no 2003 e 2004. Percorrido: 300 m.

Benxamín. Nados no 2001 e 2002. Percorrido: 500 m.

Alevín. Nados no 1999 e 2000. Percorrido: 1.500 m. (masculino) e 800 m. (feminino)

Infantil. Nados no 1997 e 1998. Percorrido: 2.000 m. (masculino) e 1.500 m. (feminino)

Cadete. Nados no 1995 e 1996. Percorrido: 3.000 m. (masculino) e 2.000 m. (feminino)

O resto de categorías son: Xuvenil (1993-1994); Xunior (1991-1992); Senior (1975-1990); Preveterán (1969-1974); Veterán A (1959-1968); Veterán B (1949-1958) e Veterán C (1948 e anteriores). Correrán 6.000 metros na categoría masculina e 3.000 metros na feminina.

Haberá un premio en metálico de 100, 60 e 40 € para os 3 primeiros clasificados da categoría senior feminina e masculina, trofeos para os 3 primeiros clasificados de cada categoría e tentarase agasallar a tódolos participantes das categorías inferiores (chupetes e minibenxamíns) dependendo das axudas recibidas.

O prazo para inscribirse remata o próximo venres, día 6, ás 14.00 horas. Podedes poñervos en contacto co secretario do Club a través do seu correo electrónico.

Máis información no enlace de correr en Galicia. A información para a carreira de Negreira publicouse no blog o pasado 22 de outubro.

A Xunta crea unha Comisión do Atletismo Galego

A Comisión do Atletismo Galego nace por iniciativa da Secretaría Xeral para o Deporte da Xunta de Galicia en colaboración coa Federación Galega de Atletismo, coa finalidade de facer un estudo detallado das necesidades que este deporte ten na nosa comunidade.

Está integrada por 18 membros que representan a todos os estamentos do atletismo en Galicia. Forman parte dela os membros da Comisión Delegada da FGA, os atletas galegos que participaron nos Xogos Olímpicos de Pequín, David Gómez e Santiago Pérez, e os adestradores Mariano García Verdugo, Santiago Ferrer e Afonso Ortega, que é o responsable nacional de fondo. Está presidida polo Secretario Xeral para o Deporte, José Ramón Lete Lasa.

Á vez que a Comisión comeza os seus traballos, José Ramón Lete encargou aos técnicos da Secretaría Xeral para o Deporte, que inicien unha serie de visitas polas diferentes instalacións atléticas de Galicia coa intención de elaborar un informe de cada unha delas.

A primeira reunión da Comisión celebrouse o 28 de outubro na sede da Secretaría Xeral para o Deporte. Os asistentes coincidiron na necesidade de completar a rede de módulos cubertos que existe actualmente en Galicia. Tras a reunión a Federación Galega de Atletismo elaborará un informe que trasladará a José Ramón Lete Lasa, quen reiterou a súa intención de poder levar a cabo as propostas da Comisión.

Sen dúbida unha estupenda noticia para todos os atletas e afeccionados deste deporte. Máis información neste enlace da Xunta de Galicia ou na páxina da Federación Galega de Atletismo.

A Carta dos dereitos do neno no deporte

Elaborada por adestradores e especialistas na práctica deportiva durante a infancia. Son unhas orientacións para as persoas que traballan con nenos entre 6 e 13 anos e o seu propósito é sinalar os riscos fisiolóxicos e psicolóxicos propios da práctica deportiva organizada na infancia. Son 11 apartados que podes ler a continuación.

1. Dereito de practicar o deporte sen ningunha diferencia (sexo, aptitude, características físicas)

Todos os nenos deberían poder practicar o deporte en calquera asociación deportiva. Ningún club debe pechar as súas portas a un neno/a que queira practicar deportes, independentemente do seu talento, sexo ou de que posúa un físico idóneo. Corresponde ao club e ao adestrador ofrecer un nivel de actividades á medida das posibilidades do rapaz/a. Exemplo positivo: os grupos de non competición. Exemplo negativo: os nenos obrigados a quedarse sentados nos deportes colectivos.

2. Dereito a facer deporte por pracer e a xogar coma un neno

Os nenos de 7 ou 8 anos teñen unha forma diferente de percibir o xogo e a diversión que os de 12 ou 13 anos. Os máis pequenos buscan ante todo o descubrimento: queren cambiar de actividade, inventar regras, etc. Os preadolescentes, en cambio, sinten curiosidade por aprender e esixen competencia por parte do adestrador: queren que sexa capaz de ensinarlles as técnicas eficaces. Para os primeiros o adestramento se organiza de xeito lúdico, variado e espontáneo. Tamén para os segundos é importante o aspecto lúdico do adestramento, que sen embargo debe estar máis centrado na aprendizaxe da habilidade deportiva.

3. Dereito a disfrutar dun ambiente san

Refírese, non soamente ao ambiente físico senón ao contorno humán. Non é suficiente practicar deporte para defenderse da tentación da droga (o problema do "doping" proba o contrario). Tócalle ao adulto educar ao neno/a no sentido do benestar físico e psicolóxico facilitado pola práctica do deporte e introducir, canto antes, nocións como o "fair play" (xogo limpo, expresión empregada para denominar o comportamento leal no deporte). Exemplo positivo: destacar xestos altruístas e lealdade. Exemplo negativo: conducta desfavorable do adestrador ou do pai/nai contra o árbitro.

4. Dereito a ser tratado con dignidade

Moi a miúdo ocorre que na práctica diaria dos deportes volven aparecer elementos negativos como os da escola "ríxida" ou que o adestrador empregue unha linguaxe que non respecta as regras da boa educación. Estas son posturas que non axudan á función educativa que ten o deporte. Neste caso, o deporte é fonte de frustración, desilusión e escola de "falta de respecto cos outros".

5. Dereito a ser adestrado e acompañado por persoas competentes

O adestrador debe posuír coñecementos psicolóxicos, pedagóxicos e técnicos de calidade para poder adaptarse á realidade do neno/a. É obriga dos técnicos proporcionar fundamentos didácticos, dándolles un contido e suxerindo métodos axeitados. A miúdo a adestradores pouco competentes se lles confía deportistas moi novos e cometen faltas que inflúen no futuro deportivo do neno/a. Algúns adestradores usan teorías de adestramento e competición axeitados para adultos, pero inapropiados para os nenos/as. Por esta causa grande cantidade de mozos/as despois dos 15 anos deixa o deporte de competición e se alonxan totalmente da práctica do deporte.

6. Dereito a participar en adestramentos e competicións adaptados as súas capacidades

Cada persoa ten un ritmo de adquisición de coñecementos e isto débese respectar para fomentar as aptitudes e evitar erros de adestramento. Hai que respectar as etapas de desenvolvemento individual. O coñecemento dos estadios do desenvolvemento, o fomento do carácter multidisciplinario do deporte e a organización de competicións por modalidades diferentes segundo a idade son fundamentais.

7. Dereito a competir con nenos/as que teñen as mesmas posibilidades de éxito

No é posible facer competencias entre nenos/as con diferencias físicas ou con niveis de preparación moi diferentes. Con frecuencia os nenos/as vense na situación de ter que competir con adversarios claramente superiores ou netamente inferiores. No deporte, as experiencias de victoria e de derrota son boas ocasións para desenvolver a autoestima e o respecto polo outro. Pola contra o sentimento de impotencia vencellado á experiencia de perder unha e outra vez, ou o sentimento de omnipotencia de gañar sistemáticamente son escasamente educativos.

8. Dereito a participar en competicións axeitadas

O espíritu de competición está presente no desenvolvemento do neno dende os 3 anos; está moi presente aos 7 ou 8 anos, cando o neno descobre a pertenza a un grupo, a colaboración e a cooperación, e finalmente se asimila correctamente aos 12 ou 13 anos, cando o neno/a é capaz de distinguilo das experiencias de humillación.

Non se trata de estar a favor ou en contra da competición, senón de organizala axeitadamente. A tendencia na organización das competicións para nenos é adultomórfica (campionatos longos, torneos por eliminación directa, longas distancias a percorrer, títulos de campións, etc.) Nembargantes hai algúns exemplos positivos de adaptación do deporte á idade: minibásquetbol, minivoleibol, fútbol de 7, torneos dun día que se adaptan mellor aos máis pequenos que os campionatos de varios meses.

9. Dereito a facer deporte con toda seguridade e sen dopaxe

Hai que adaptar as infraestructuras, os campos de xogo e a duración das prácticas á realidade física e psíquica dos nenos/as. Aumenta así a sensación de seguridade do neno, que deste xeito pode dominar o espazo.

10. Dereito a ter intres para o lecer

No adestramento intensivo precoz (máis de 10 horas semanais para deportistas de 7 a 14 anos), úsanse as vacacións para continuar os adestramentos, de xeito que non se lles permite un tempo de lecer. Tamén despois do adestramento diario, algúns pais esixen que continúe a súa preparación na casa, co erróneo fin de acelerar o seu desenvolvemento deportivo. O descanso é importante para os nenos/as que estudian e indispensable para os que combinan estudos con deporte. Ademáis os nenos/as rara vez din estar cansos, polo que corresponde ao adulto facelos descansar.

11. Dereito a non ser un campión pero tamén de chegar a selo

Se así o desexa e ten talento, a partir dos 15 ou 16 anos o mozo/a deportista poderá intensificar a práctica deportiva ou pola contra seguir practicando deporte polo pracer que lle reporta e pola satisfacción de estar cos demáis. Nos dous casos, conservará un bo recordo do deporte que practicou cando era neno/a.

Qué foi de…

Navegando por internet atopei este blog.

Para os amantes do deporte en xeral aquí tedes a web dos deportistas esquencidos. Espero que vos guste, tamén hai atletas.

Santiago e Negreira son as próximas carreiras

A carreira pedestre de Santiago, o próximo domingo ás 10 h., e a de Negreira, o 8 de novembro ás 10.45 h., son as próximas citas para os amantes deste deporte.

A Carreira Pedestre de Santiago non permite a inscrición de menores de 10 anos. O percorrido para nenos e nenas de 10 a 16 anos é de ¡¡7 km!!, xa que este ano se rebaixou en 2 kilómetros o percorrido habitual.

Guillermo Carbajal, director técnico da Carreira, dixo que é "inviable" que os nenos percorran menos de 7 km. Sinalou que "El recorrido de los escolares se reduce porque pensamos que nueve kilómetros eran muchos para ellos, sobre todo para los más pequeños. Y la idea era reducirlo aún más; pero con la salida actual, más el casco histórico, más Vite, más la meta en el Obradoiro... le dimos muchas vueltas, pero es muy complicado, inviable, reducirlo más".

Na Carreira Popular de Negreira, o 8 de novembro, poden inscribirse nenos e nenas de 7 anos e maiores. O prazo de inscrición remata o mércores 4 de novembro. Os nados do 1999 ao 2002 correrán 1.000 metros. Os nados entre 1995 e 1998 farán un percorrido de 4.500 metros.

Máis información na páxina de correr en Galicia. Os interesados en apuntarse poden facelo, coma sempre, enviando un correo ao secretario do club en millaraio@yahoo.com. As solicitudes deben enviarse cun mínimo de 5 días antes do remate do prazo de inscrición.

MillaRaio participou na X carreira pedestre popular de Ames

Gran participación e boa organización na X Carreira Pedestre popular do concello de Ames, celebrada no paseo fluvial de Bertamiráns este pasado domingo. A maioría dos atletas de MillaRaio correron en Bertamiráns e o club colaborou coa organización do evento botando unha man.

Alba López Portabales, acadou o 1º posto na categoría benxamín feminino. Parabéns para ela e para todos os nenos e nenas do club que participaron con moito esforzo e interés. A carreira resultou algo dura para os máis pequenos, debido ás grandes distancias que debían percorrer as categorías inferiores. O 1º premio absoluto masculino foi para Juan Pablo, o noso adestrador.

Destacar o ambiente sano e deportivo que se respira nas carreiras populares. O importante é que os pequenos e pequenas se aficionen a practicar deporte e adquiran hábitos de vida saudables, sen obsesionarse pola competición deportiva e o número de trofeos gañados.

Máis información nesta páxina do Concello de Ames

Juan Pablo Fernández Rodrigues adestrador de MillaRaio

Juan Pablo é atleta profesional, corredor de 800 e 1.500 m., e conta con importantes campionatos. Entre outros foi subcampión Sudamericano de Milla en Ruta no 2005, finalista en 1500m nos Campionatos de Brasil Absolutos no 2007, Campión Galego de 1.500 m. absoluto no 2008. Ademais participou en seleccións galegas de cross e pista entre os anos 2004 e 2008.

É Licenciado en Ciencias da actividade física e do Deporte pola Escola de Educação Física e Esporte pola Universidade de Sao Paulo/EEFEUSP. Conta ademáis co Curso de Entrenador de Atletismo Nivel I de IAAF (Federación Internacional de Atletismo) e cun Master en Alto Rendemento Deportivo do Comité Olímpico Español/UAM. Madrid.

Ten ampla experiencia nos eidos do adestramento persoal e deportivo tanto con adultos como con nenos. Foi monitor da escola de deportes da EEFEUSP para nenos de 7 a 11 anos e profesor de iniciación ao atletismo do Colexio alemán Humboldt para alumnos de 9 a 16 anos.

A Revista Atletismo Español publicou, en xullo deste ano, o seu traballo académico "Las edades de aparición de resultados como determinantes directas del éxito futuro. Su repercusión en la planificación a largo plazo". Escrito en colaboración con Mariano García Verdugo, seleccionador nacional de medio-fondo da RFEA e director da Área de Deportes da Universidade de Santiago de Compostela.

No Congreso Internacional de ciencias do deporte celebrado no 2008 en Pontevedra, desenvolveu o curso "El talento deportivo. Detección, selección y promoción" e presentou o artigo "La aparición de resultados relevantes en la carrera de los mejores atletas españoles de MFF". No 2006 tamén presentara neste congreso o artigo "La ocurrencia de episodios de vómitos en corredores de Medio Fondo. Posibles causas y consecuencias". Impartiu unha charla de formación organizada pola Federación de Atletismo de São Paulo no 2008 "A evolução dos resultados na carreira de atletas de MFF de elite. Quando e como começar para chegar longe?". A súa tese doutoral, aínda sen rematar, versa sobre a evolución dos talentos deportivos no atletismo.

Nin que dicir ten que estamos moi contentos de contar cun adestrador tan profesional no noso modesto club.

MillaRaio xa está na web

O club de atletismo infantil MillaRaio vota a andar este blog informativo. Non queremos comezar sen contar as nosas orixes, aínda que somos moi novos e a nosa historia moi corta.

MillaRaio naceu fai menos dun ano da man de Adriana Mariño e Miguel Buela, actual presidente, coa ilusión de crear un club de atletismo infantil no Milladoiro, no que nenos e nenas de corta idade se forman no deporte e no atletismo ao tempo que xogan. Malia levar tan pouco tempo funcionando o club xa conta con case 40 socios.

Dende entón moitos colaboraron e colaboran traballando cos nenos, solicitando axudas económicas a diferentes organismos, buscando patrocinadores para a equipación dos atletas ou en labores administrativas. Parabéns a todos polo seu esforzo desinteresado, así como aos novos e novas atletas de MillaRaio que cada día se esforzan por mellorar e disfrutar con este deporte.

Grazas tamén ao concello de Ames por ceder o pavillón para os adestramentos e aos nosos patrocinadores máis importantes, sen eles a equipación dos nenos non sería posible: Viajes Canoa, Clínica Dental Macía e O Curruncho Deportivo.

As vosas suxerencias, opinións e críticas serán ben aceptadas e axudarán a dinamizar e mellorar este blog que é o sitio de todos nos.